(၄၀၀၀) ကျပ်နဲ့ စိတ်ကြိုက် ဘူဖေးစားလို့ရမယ့် “ဟင်းချိုချို” ဟင်္သာတ မုန့်ဟင်းခါးဆိုင်လေး

“ဖေဖေ မေမေတို့ကို တစ်ပတ်တစ်ခါ ချက်ကျွေးရမယ့် အတူတူဆိုပြီး ဒီဆိုင်လေးကို စဖွင့်ဖြစ်ခဲ့တာပါ… အစ်မမုန့်ဟင်းခါးက ပဲဆီသန့်နဲ့ချက်တယ် အချိုမှုန့် လုံးဝမပါပါဘူး… အဓိက က သွေးတိုးမှာကြောက်တဲ့ လူကြီးတွေအတွက် ၊ထမင်းမစားချင်တဲ့ လူကြီးတွေအတွက် ရည်ရွယ်ပြီး အန္တရာယ်ကင်းဖို့ရယ် ကျန်းမာရေးနဲ့ ညီညွတ်ဖို့အတွက် ရောင်းချပေးဖြစ်တာပါ… တချို့လူကြီးတွေ ကိုယ့်မုန့်ဟင်းခါးလေး စားပြီးသွားရင် ကျေးဇူးတင်ပါတယ်လို့ ပြောသွားတဲ့ ပီတိစကားသံလေးက ပြောပြလို့မရအောင် ကြည်နူးမိပါတယ်” ဆိုတဲ့ ဒေါ်ဖြူဖြူသွယ် (ဟင်းချိုချို ဟင်္သာတမုန့်ဟင်းခါး)