သမ္မတရုပ်ရှင်ရုံတွင် ကျင်းပပြုလုပ်ခဲ့တဲ့ “ဖုန်းရွှ” ရုပ်ရှင်ဇာတ်ကား အကြိုပြသပွဲ

ပရိသတ်စိတ်ဝင်စားမှု မြင့်တက်နေတဲ့ “ဖုန်းရွှေ” ရုပ်ရှင်ဇာတ်ကားကြီးကို ညကျောင်း ရုပ်ရှင်ထုတ်လုပ်ရေးက ရိုက်ကူးထားတာဖြစ်ပြီး ဇာတ်လမ်း၊ ဇာတ်ညွှန်း ဒါရိုက်တာ ညိုမင်းလွင် ရိုက်ကူးပုံဖော်ထားတဲ့ တရုတ်စကားပြော မြန်မာသရဲကား တစ်ကားလည်းဖြစ်ပါတယ်… ဒီရုပ်ရှင်ဇာတ်ကားမှာ သရုပ်ဆောင်သစ်တွေဖြစ်တဲ့ ထက်ယံပိုင်၊ စိုးစံအောင်၊ အေမီဈာန်၊ ဟန်နာ၊ V V Cheng၊ မေလန်း၊ ဇင်ဇင်ဝင်းရံ၊ Kitty Lay ၊ ဒေါ်ချို စတဲ့ သရုပ်ဆောင်ပေါင်းများစွာ ပါဝင်ထားတာ ဖြစ်ပါတယ်… “ဖုန်းရွှေ” ရုပ်ရှင်ဇာတ်ကားကြီးရဲ့ Press Show အခမ်းအနားကို မေ (၂၀) ရက် ညနေပိုင်းက ရန်ကုန်မြို့ သမ္မတအဆင့်မြင့်ရုပ်ရှင်ရုံမှာ ကျင်းပခဲ့ပြီး လာမယ့် မေ (၂၄) ရက်မှာ မြန်မာတစ်ပြည်လုံးရှိ အဆင့်မြင့်ရုပ်ရှင်ရုံတွေမှာ ရုံတင်ပြသသွားမှာ ဖြစ်ပါတယ်…